လူမှုဖူလုံရေး ဆိုတာက အလုပ်ရှင်နဲ့ အလုပ်သမားတွေအတွက် အလုပ်သမားခံစားခွင့် မနစ်နာစေရန် နိုင်ငံတော်ကနေ စုပေါင်းအာမခံပြီး အကောင်အထည်ဖော် ပေးထားတဲ့ စီမံကိန်းတစ်ခုဖြစ်ပါတယ်။အရင်အပတ်က ကျွန်တော်တို့ လူမှုဖူလုံရေးအာမခံထားခြင်းရဲ့ အကျိုးခံစားခွင့်တွေ၊ လုပ်ထုံးလုပ်နည်းတွေနဲ့လုပ်ငန်းစဉ်တွေကို ပြောပြပေးပြီးပြီဖြစ်တယ်။ မဖတ်ရသေးတဲ့ သူတွေအတွက်လည်း ဒီ Link ကနေ တစ်ဆင့်ဖတ်ရှုနိုင်ပါတယ်ခင်ဗျ။
အခုအပိုင်းမှာတော့
(၁) အာမခံကတ်ပြားလျှောက်ပုံလျှောက်နည်းအဆင့်ဆင့်
(၂) Smart Card နဲ့ယာယီကတ်ပြားအကြောင်း နှင့်
(၃) စာရင်းပေးသွင်းပုံအလိုက်အကျိုးခံစားခွင့် ရှင်းပြသွားမှာဖြစ်ပါတယ်။
လူမှုဖူလုံရေး အာမခံကတ်ပြားလျှောက်ဖို့ရန်အတွက် လိုအပ်တဲ့ လုပ်ဆောင်ချက်တွေကတော့
(၁) ကျန်းမာရေးစစ်ဆေးမှုခံယူရန်
(၂) အကယ်၍ ကျန်းမာရေးချို့တဲ့သူ (သို့မဟုတ်) နာတာရှည်ရောဂါ ခံစားနေရသူဖြစ်ကြောင်းစစ်ဆေးတွေ့ရှိပါက လူမှုဖူလုံရေးဆေးရုံကြီး(သို့မဟုတ်)သက်ဆိုင်ရာကျန်းမာရေးဦးစီးဌာနသို့ သွားရောက်၍ ဆေးကုသမှု ခံယူရန်
(၃) မိမိဆန္ဒအလျောက် အာမခံထားသူဖြစ်ပါက ကုန်ကျစရိတ်ကို ကိုယ်တိုင်ကျခံရန်နှင့် မိမိကိုယ်စား လုပ်ငန်းဘက်က လျှောက်ပေးပါက လုပ်ငန်းရှင်ဘက်က ကုန်ကျမယ်ဖြစ်တယ်။
Smart Card နဲ့ယာယီကတ်ပြားအကြောင်း
အာမခံကတ်ပြားမှာတော့ Smart Card နဲ့ ယာယီကတ်ပြားဆိုပြီး (၂) မျိုးရှိပါတယ်။ ယာယီကတ်ပြားနဲ့မတူတာက Smart Card မှာက 2D Barcode စနစ်ပါဝင်ပါတယ်။ အကယ်၍ ကိုယ်ကိုယ်တိုင်က Smart Card မဟုတ်ပဲ ယာယီကတ်ပြားကိုင်ဆောင်ထားသူဖြစ်ခဲ့ရင်လည်း အကျိုးခံစားခွင့်တွေကတော့ ညီတူမျှတူခံစားရမှာဖြစ်ပါတယ်။ အာမခံအလုပ်သမားများအနေနဲ့ မိမိတို့ထည့်ဝင်ကြေးပေးသွင်းထားတဲ့ သက်ဆိုင်ရာ တိုင်းဒေသကြီး/ ပြည်နယ်လူမှုဖူလုံရေးအဖွဲ့ ရုံးခွဲများကိုသွားရောက်ပြီးအာမခံစီစစ်ရေးကတ်ပြားများကို အချက်အလက်များဖြည့်သွင်း၍ ထုတ်ယူနိုင်ပါသည်။ အလုပ်သမားတွေဘက်ကလည်း မိမိတို့ကိုယ်ပိုင်ကတ်ပြားနဲ့အတူ လူမှုဖူလုံရေးအဖွဲ့ပိုင် ဆေးခန်းများ၊ ဆေးရုံများတွင် ဆေးကုသရာတွင် လည်းကောင်း၊ ငွေကြေးအကျိုးခံစားခွင့်များ လျှောက်ထားရာတွင်လည်း ကတ်ပြားကို အသုံးပြုနိုင်ပါသည်။
စာရင်းပေးသွင်းပုံအလိုက်အကျိုးခံစားခွင့်များ
မှတ်ပုံတင်ကာလ (၁) လအတွင်း အကျိုးခံစားခွင့်များ
(က) ဆေးကုသမှုခံစားခွင့်
( ခ ) ယာယီမသန်စွမ်းမှုအကျိုးခံစားခွင့်
( ဂ ) အမြဲတမ်းမသန်စွမ်းမှုအကျိုးခံစားခွင့်
(ဃ) အလုပ်တွင်ထိခိုက်မှုကြောင့်သေဆုံးရခြင်းအတွက်ကျန်ရစ်သူအကျိုးခံစားခွင့်
( င ) နာရေးစရိတ်
မှတ်ပုံတင်ကာလ (၁၂) လအတွင်း ထည့်ဝင်ကြေး (၆) လရှိပါက အကျိုးခံစားခွင့်များ
(က) မီးဖွားမှုငွေကြေးအကျိုးခံစားခွင့်
( ခ) မီးဖွားစရိတ်
( ဂ ) ကိုယ်ဝန်ပျက်မှုအတွက်ငွေကြေးအကျိုးခံစားခွင့်
(ဃ) တစ်နှစ်အောက်ကလေးမွေးစားမှုအတွက်ငွေကြေးအကျိုးခံစားခွင့်
( င ) ဖခင်ဘဝဖြစ်မှုအကျိုးခံစားခွင့်
( စ ) ဖခင်ဘဝဖြစ်မှုအတွက်မီးဖွားစရိတ်
( ဆ) မွေးကင်းစကလေးအားတစ်နှစ်အထိဆေးကုသမှုခံယူခွင့်
အဆုံးသတ်ရမယ်ဆိုရင် SSB လျှောက်နည်းတွေနဲ့ ဝန်ထမ်းတွေအတွက် လအလိုက် အကျိုးခံစားခွင့်တွေကို ပိုမို သိရှိနားလည်စေရန် ကျွန်တော်တို့ JobExpress Myanmar က ဖော်ပြပေးလိုက်ပါတယ်ခင်ဗျ။
Source By https://www.mol.gov.mm/mm/
Content By Kit Kit and Htet Wai Yan Lynn
