ကိုဗစ်ကာလကပ်ဆိုးကြီးကြောင့် လက်ရှိလုပ်ကိုင်နေတဲ့စီးပွားရေးအခြေအနေပျက်ပြားလာပြီး ဆောက်တည်ရာမရဖြစ်တဲ့လုပ်ငန်းတွေလည်းရှိသလို ကျွန်တော်တို့မထင်မှတ်ထားတဲ့ လုပ်ငန်းအသစ်တွေရဲ့ စီးပွားရေးအခြေအနေတိုးတက်လာတာကိုလည်းတွေ့ရပါတယ်။ အဓိကက စီးပွားရေးလုပ်ငန်းတစ်ခုလည်ပတ်နိုင်ဖို့ဆိုတာ ကိုယ့်ရဲ့ဝန်ဆောင်မှုကိုအသုံးပြုမယ့် စားသုံးသူတွေရှိဖို့နဲ့ လုပ်ငန်းဖက်ကပေးနိုင်မယ့် ဝန်ဆောင်မှုမျှတဖို့လိုအပ်ပါတယ်။
ကျွန်တော်တို့စာစကားအရဆို Demand နဲ့ Supply မျှလာတယ် ၊ ပိုတိုးလာတယ်လို့ပြောကြပါတယ်။ အဲ့ဒီတော့ လက်တလောမှာ အောင်မြင်လာတဲ့ Industry ၅ခုအကြောင်းကို ဝေမျှပေးချင်ပါတယ်
(၁) Delivery Services
အားလုံးရင်းနှီးပြီးသားဖြစ်တဲ့အတွက် အထူးအထွေရှင်းပြနေစရာမလိုပါဘူး။ အခုလိုကာလမှာ လာပို့တဲ့ပစ္စည်းဟာပိုးသတ်ထားပြီးကြောင်းရယ် ၊ လက်မှတ်ပါဖို့ရယ်နဲ့ လာပို့ချိန်မှာလာပို့သူဟာ အကာအကွယ်ဝတ်စုံပြည့်ဝတ်ဆင်ထားနိုင်တဲ့ လုပ်ငန်းတွေကို လူတွေပိုသဘောကျပါတယ်။ Delivery လုပ်တဲ့လုပ်ငန်းတွေကကိုဗစ်ကာလမှာတောတော်လေးအလုပ်ဖြစ်ပါတယ်။ ကိုယ့်မှာစီးစရာယာဉ်တစ်ခုခုရှိမယ်ဆိုရင် ကိုယ်ပိုင်စီးပွားရေးတစ်ခုတောင်စတင်လို့ရပါတယ်။
(၂) Sports Training Equipment
အစားအသောက်တွေမှာစားတာနဲ့အပြိုင် ကိုယ့်အိမ်မှာ Workout လုပ်သူတွေ ၊ Yoga ကျင့်သူတွေကလည်းတဟုန်ထိုးများပြားလာပါတယ်။ ဒီကြားထဲမှာမှ Professional ကျကျကစားချင်တဲ့သူကျတော့ ပြေးစက်တွေ ၊ စက်ဘီးနင်းစက်တွေဝယ်ကြပြီး အိမ်မှာပဲ အလွယ်တကူကစားလို့ရမယ့် Gymမျိုးဖန်တီးလိုက်ကြတယ်။အရင်က အသောက်အစားအပျော်အပါးဖက်လာခဲ့တဲ့ ကျွန်တော်တို့တွေက အပြေးအလွှားကျန်းမာချင်ကြတော့ ဒီလုပ်ငန်းမျိုးတွေရဲ့ ရောင်းအားပိုတက်လာတာမဆန်းပါဘူး။
(၃) Face Sheets, Mask & Hand Gel Business
ကိုဗစ်ကာလစဖြစ်တဲ့ April လဆန်းလောက်ကစပြီး Mask တစ်ခုကိုယခင်က 50 လောက်ပေးပြီးဝယ်ယူတာကနေ တစ်ခုကို 200, 250 အထိဈေးတက်သွားတဲ့အထိ Market က Booming ဖြစ်သွားခဲ့ပါတယ်။ အခုနောက်ပိုင်း အထည်ချုပ်လုပ်ငန်းလေးဆိုရင် ကုမ္ပဏီတွေကမှာတဲ့ ကုမ္ပဏီတံဆိပ်နဲ့ mask တွေချုပ်ပေးနေရတာလည်းဈေးကွက်တစ်ခုဖြစ်လာပါတယ်။ စားသုံးသူတွေကို ဦးတည်ပြီးအောင်မြင်တဲ့လုပ်ငန်းတွေရှိသလို လုပ်ငန်းရှင်တွေကို Target ထားတဲ့စီးပွားရေးတွေလည်းရှိပါတယ်။
(၄) Cleaning Services
ကျွန်တော်တို့လူသားတွေကကြောက်တတ်ပါတယ် ။ ကိုဗစ်ပျံ့နှံ့ကူးစက်မှာစိုးရိမ်တဲ့အတွက် Professional Cleaning Services လို့ခေါ်တဲ့ အထူးသန့်ရှင်းရေးဝန်ဆောင်မှုလုပ်ငန်းတွေကို အသုံးပြုပြီး ရုံးတွေ၊ အိမ်တွေအတွက် အများစုအသုံးပြုလေ့ရှိပါတယ်။ သန့်ရှင်းရေးလုပ်တယ်ဆိုတဲ့အခါမှာလည်း Customer ဖက်ကနေ ပုံမှန်အားဖြင့် တစ်ပတ်တစ်ကြိမ် ၊ တစ်လတစ်ကြိမ် အသုံးပြုတဲ့ အလေ့အထတွေလည်းရှိပါတယ်။ အခုအချိန်မှာဆိုရင် Application တွေကနေ အသုံးပြုလို့ရတဲ့အဆင့်ထိ အဆင်ပြေလောက်တဲ့ Cleaning Service တွေလည်းအများကြီးတွေ့ရပါတယ်။
(၅) Indoor Plants & Gardening Supplies
Indoor Plant လေးတွစိုက်ခြင်းအားဖြင့် အိမ်ထဲကလေထုကိုသန့်စင်စေတယ်၊ စိတ်ဖိစီးမှုကိုလျှော့ချပေးပြီး စိတ်ကြည်လင်မှုကိုပေးစွမ်းနိုင်တဲ့အတွက် အခုကာလမှာတော့ ကျွန်တော်တို့ရဲ့ အဖော်ဆိုလည်းမမှားပါဘူး။ အချို့ပန်းလေးတွေဆို မွှေးရနံ့ကိုပေးတယ်၊ အချို့ကကံကောင်းမှု ၊ စီးပွားတက်မှုကိုပေးစွမ်းနိုင်တယ်လို့ယုံကြည်ကြပါတယ်။ ဈေးနှုန်းအားဖြင့်လည်းသင့်တော်တဲ့အတွက် အလှစိုက်ကြတဲ့သူတွေတော်တော်များလာပါတယ်။ Indoor Plant တွေနဲ့ Gardening Supply တွေကိုဗစ်ကာလမှာရောင်းအားတက်တာ လက်တွေ့မြင်ရမှာအမှန်ပါပဲ။
အခုလို Booming ဖြစ်နေတဲ့ Industry တွေကနေ ကိုယ့်ရဲ့အရည်အချင်းနဲ့ကိုက်ညီတဲ့ Position နဲ့ Career တစ်ခုစတင်ချင်တယ်ဆိုရင် ကျွန်တော်တို့ Job Express Myanmar Website မှာ Register လုပ်ပြီးအခမဲ့အလုပ်လျှောက်ဖို့ဖိတ်ခေါ်ပါတယ်ခင်ဗျ။
Content By Htet Wai Yan Lynn
